SEIRBHEISEAN LASAIR

Ma tha pròiseact, beachd no plan agaibh a tha sibh airson gluasad air adhart ach tha sibh gann de dh'ùine no de dhaoine, seo an dearbh seòrsa obrach a nì Lasair. 

Cuiridh sinn gnothaichean air dòigh agus bheir sinn am pròiseact agaibh gu buil. 

Tha sinn cleachdte ri bhith ag obair le Àrd-Oifigearan, làimhseachadh luchd-ùidh aig gach ìre agus leantainn oirnn gun cus stiùiridh no taic. 

Bidh sinn ag obair le gnìomhachasan beaga a tha a' fàs agus a' cur feum air siostaman a leigeas leotha sin a dhèanamh gu h-èifeachdach. 

Nì sinn sgrùdadh an toiseachd air na modhan-obrach agaibh agus cuiridh sinn molaidhean ri chèile. Faodaidh sinn na molaidhean sin a chur an gnìomh cuideachd. 

Bidh sinn a' cumail taic rianachd ri Bùird ghnìomhachais agus Buidhnean Coimhearsnachd le geàrr-chunntasan Gàidhlig no Beurla, agus taic is comhairle do Chathraichean is Buill. 

Mar as trice nochdaidh sinn aig na coinneamhan tro Teams is eile ach far a bheil coinneamhan ionadail ann, faodaidh sinn iad sin a fhrithealadh, le cosgaisean siubhail nan cois (45sg/m).